abhi to ishq mein aisa bhi haal hona hai

abhī to ishq meñ aisā bhī haal honā hai

ki ashk roknā tum se muhāl honā hai

har ek lab pe hai merī vafā ke afsāne

tire sitam ko abhī lā-zavāl honā hai

bajā ki ḳhvāb haiñ lekin bahār kī rut meñ

ye tai hai ab ke hameñ bhī nihāl honā hai

tumheñ ḳhabar hī nahīñ tum to lauT jāoge

tumhāre hijr meñ lamha bhī saal honā hai

hamārī ruuh pe jab bhī azaab utreñge

tumhārī yaad ko is dil ko Dhaal honā hai

kabhī to ro.egā vo bhī kisī kī bāñhoñ meñ

kabhī to us kī hañsī ko zavāl honā hai

mileñgī ham ko bhī apne nasīb kī ḳhushiyāñ

bas intizār hai kab ye kamāl honā hai

har ek shaḳhs chalegā hamārī rāhoñ par

mohabbatoñ meñ hameñ vo misāl honā hai

zamāna jis ke ḳham-o-pech meñ ulajh jaa.e

hamārī zaat ko aisā savāl honā hai

'vasī' yaqīn hai mujh ko vo lauT aa.egā

use bhī apne kiye kā malāl honā hai

abhi to ishq mein aisa bhi haal hona hai

ki ashk rokna tum se muhaal hona hai

har ek lab pe hai meri wafa ke afsane

tere sitam ko abhi la-zawal hona hai

baja ki KHwab hain lekin bahaar ki rut mein

ye tai hai ab ke hamein bhi nihaal hona hai

tumhein KHabar hi nahin tum to lauT jaoge

tumhaare hijr mein lamha bhi sal hona hai

hamari ruh pe jab bhi azab utrenge

tumhaari yaad ko is dil ko Dhaal hona hai

kabhi to roega wo bhi kisi ki banhon mein

kabhi to us ki hansi ko zawal hona hai

milengi hum ko bhi apne nasib ki KHushiyan

bas intizar hai kab ye kamal hona hai

har ek shaKHs chalega hamari rahon par

mohabbaton mein hamein wo misal hona hai

zamana jis ke KHam-o-pech mein ulajh jae

hamari zat ko aisa sawal hona hai

'wasi' yaqin hai mujh ko wo lauT aaega

use bhi apne kiye ka malal hona hai