aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

abhi to mausam-e-na-KHush-gawar aaega

Shaad Aarfi

abhi to mausam-e-na-KHush-gawar aaega

Shaad Aarfi

MORE BYShaad Aarfi

    abhī to mausam-e-nā-ḳhush-gavār aa.egā

    phir is ke ba.ad payām-e-bahār aa.egā

    ḳhulūs-e-ahd-e-vafā sāzgār aa.egā

    kabhī to marhala-e-e'tibār aa.egā

    jis anjuman meñ diloñ ke qarār luTte haiñ

    us anjuman meñ pahuñch kar qarār aa.egā

    lab-e-shagufta-o-mai-pāsh par shagūfoñ par

    karoge ġhaur jahāñ tak nikhār aa.egā

    yahī hai bazm-e-tarab-āfrīñ to jaatā huuñ

    ye chāra-gar ne kahā thā qarār aa.egā

    savāl-e-besh-o-kam-e-mai nahīñ magar saaqī

    kabhī tujhe bhī shu.ūr-e-shumār aa.egā

    pukārne pe jab aayā to terā dīvāna

    kisī bhī naam se tujh ko pukār aa.egā

    nisār-e-husn-e-mohabbat rahī hai dekhoge

    kalī ke saath shāḳhoñ pe ḳhaar aa.egā

    jo hai mizāj-e-bahār-e-chaman se nā-vāqif

    barā-e-sair-e-chaman baar baar aa.egā

    jinheñ qayās-o-shavāhid se vāsta hai unheñ

    yaqīn-e-gardish-e-lail-o-nahār aa.egā

    ye puḳhta-kār taġhazzul ḳhayāl ke bal par

    ġhazal ke shar-e-qafas meñ guzār aa.egā

    abhi to mausam-e-na-KHush-gawar aaega

    phir is ke baad payam-e-bahaar aaega

    KHulus-e-ahd-e-wafa sazgar aaega

    kabhi to marhala-e-e'tibar aaega

    jis anjuman mein dilon ke qarar luTte hain

    us anjuman mein pahunch kar qarar aaega

    lab-e-shagufta-o-mai-pash par shagufon par

    karoge ghaur jahan tak nikhaar aaega

    yahi hai bazm-e-tarab-afrin to jata hun

    ye chaara-gar ne kaha tha qarar aaega

    sawal-e-besh-o-kam-e-mai nahin magar saqi

    kabhi tujhe bhi shuur-e-shumar aaega

    pukarne pe jab aaya to tera diwana

    kisi bhi nam se tujh ko pukar aaega

    nisar-e-husn-e-mohabbat rahi hai dekhoge

    kali ke sath hi shaKHon pe KHar aaega

    jo hai mizaj-e-bahaar-e-chaman se na-waqif

    bara-e-sair-e-chaman bar bar aaega

    jinhen qayas-o-shawahid se wasta hai unhen

    yaqin-e-gardish-e-lail-o-nahaar aaega

    ye puKHta-kar taghazzul KHayal ke bal par

    ghazal ke shar-e-qafas mein guzar aaega

    Source:

    Kulliyat-e-Shad Aarfi (Pg. 9)

    • Author: Muzaffar Hanfi
      • Edition: 1975
      • Publisher: National AZcademy Delhi
      • Year of Publication: 1975
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now