abhi wo kamsin ubhar raha hai abhi hai us par shabab aadha

Kunwar Mahendra Singh Bedi Sahar

abhi wo kamsin ubhar raha hai abhi hai us par shabab aadha

Kunwar Mahendra Singh Bedi Sahar

MORE BY Kunwar Mahendra Singh Bedi Sahar

    abhī vo kamsin ubhar rahā hai abhī hai us par shabāb aadhā

    abhī jigar meñ ḳhalish hai aadhī abhī hai mujh par itaab aadhā

    hijāb o jalve kashmakash meñ uThāyā us ne naqāb aadhā

    idhar huvaidā sahāb aadhā udhar ayaañ māhtāb aadhā

    mire savāl-e-visāl par tum nazar jhukā kar khaḌe hue ho

    tumhīñ batāo ye baat kyā hai savāl puurā javāb aadhā

    lapak ke mujh ko gale lagāyā ḳhudā rahmat ne roz-e-mahshar

    abhī sunāyā thā mohtasib ne mire gunah hisāb aadhā

    bajā ki ab baal to siyah haiñ magar badan meñ sakat nahīñ hai

    shabāb laayā ḳhizāb lekin ḳhizāb laayā shabāb aadhā

    lagā ke laase pe le ke aayā huuñ shaiḳh sāhab ko mai-kade tak

    agar ye do ghoñT aaj leñ milegā mujh ko savāb aadhā

    kabhī sitam hai kabhī karam hai kabhī tavajjoh kabhī taġhāful

    ye saaf zāhir hai mujh pe ab tak huā huuñ maiñ kāmyāb aadhā

    kisī chashm-e-surūr aavar se ashk aariz pe Dhal rahā hai

    agar shu.ūr-e-nazar hai dekho sharāb aadhī gulāb aadhā

    purāne vaqtoñ ke log ḳhush haiñ magar taraqqī pasand ḳhāmosh

    tirī ġhazal ne kiyā hai barpā 'sahar' abhī inqilāb aadhā

    abhi wo kamsin ubhar raha hai abhi hai us par shabab aadha

    abhi jigar mein KHalish hai aadhi abhi hai mujh par itab aadha

    hijab o jalwe ki kashmakash mein uThaya us ne naqab aadha

    idhar huwaida sahab aadha udhar ayan mahtab aadha

    mere sawal-e-visal par tum nazar jhuka kar khaDe hue ho

    tumhin batao ye baat kya hai sawal pura jawab aadha

    lapak ke mujh ko gale lagaya KHuda ki rahmat ne roz-e-mahshar

    abhi sunaya tha mohtasib ne mere gunah ka hisab aadha

    baja ki ab baal to siyah hain magar badan mein sakat nahin hai

    shabab laya KHizab lekin KHizab laya shabab aadha

    laga ke lase pe le ke aaya hun shaiKH sahab ko mai-kade tak

    agar ye do ghonT aaj pi len milega mujh ko sawab aadha

    kabhi sitam hai kabhi karam hai kabhi tawajjoh kabhi taghaful

    ye saf zahir hai mujh pe ab tak hua hun main kaamyab aadha

    kisi ki chashm-e-surur aawar se ashk aariz pe Dhal raha hai

    agar shuur-e-nazar hai dekho sharab aadhi gulab aadha

    purane waqton ke log KHush hain magar taraqqi pasand KHamosh

    teri ghazal ne kiya hai barpa 'sahar' abhi inqilab aadha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY