abru to dikha dijiye shamshir se pahle
abrū to dikhā dījiye shamshīr se pahle
taqsīr to kuchh ho mirī tāzīr se pahle
mālūm huā ab mirī qismat meñ nahīñ tum
milnā thā mujhe kātib-e-taqdīr se pahle
ai dast-e-junūñ toḌ na darvāza-e-zindāñ
maiñ pūchh to luuñ paañv kī zanjīr se pahle
achchhā huā āḳhir mirī qismat meñ sitam the
tum mil ga.e mujh ko falak-e-pīr se pahle
baiThe raho aisī bhī musavvir se hayā kyā
kaahe ko khiñche jaate ho tasvīr se pahle
dekho to 'qamar' un ko bulā kar shab-e-vāda
taqdīr pe barham na ho tadbīr se pahle
abru to dikha dijiye shamshir se pahle
taqsir to kuchh ho meri tazir se pahle
malum hua ab meri qismat mein nahin tum
milna tha mujhe katib-e-taqdir se pahle
ai dast-e-junun toD na darwaza-e-zindan
main puchh to lun panw ki zanjir se pahle
achchha hua aaKHir meri qismat mein sitam the
tum mil gae mujh ko falak-e-pir se pahle
baiThe raho aisi bhi musawwir se haya kya
kahe ko khinche jate ho taswir se pahle
dekho to 'qamar' un ko bula kar shab-e-wada
taqdir pe barham na ho tadbir se pahle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
