afzaliyyat talash karte hain
afzaliyyat talāsh karte haiñ
terī qudrat talāsh karte haiñ
māl-o-daulat kī bhūkī duniyā meñ
ham mohabbat talāsh karte haiñ
jo zarūrat thī ho chukī puurī
ab zarūrat talāsh karte haiñ
ḳhair marnā hai ek din sab ne
apnī mohlat talāsh karte haiñ
jis meñ hoñ ḳhūbiyāñ tamām tirī
aisī mūrat talāsh karte haiñ
jo bhī Thukrā.e haiñ mohabbat meñ
kab vo nafrat talāsh karte haiñ
zard mausam kī shaam meñ 'ahmad'
apnī sūrat talāsh karte haiñ
afzaliyyat talash karte hain
teri qudrat talash karte hain
mal-o-daulat ki bhuki duniya mein
hum mohabbat talash karte hain
jo zarurat thi ho chuki puri
ab zarurat talash karte hain
KHair marna hai ek din sab ne
apni mohlat talash karte hain
jis mein hon KHubiyan tamam teri
aisi murat talash karte hain
jo bhi Thukrae hain mohabbat mein
kab wo nafrat talash karte hain
zard mausam ki sham mein 'ahmad'
apni surat talash karte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
