اگر مجھ سے مری کچھ آتش غم کم نہیں ہوتی
اگر مجھ سے مری کچھ آتش غم کم نہیں ہوتی
کوئی تدبیر تجھ سے بھی تو چشم نم نہیں ہوتی
برا ہو سوزش دل کا برا ہو سوز فرقت کا
لگی ہے آگ وہ دل میں کبھی جو کم نہیں ہوتی
تصور ہو کسی کا دل میں یا راتیں جدائی کی
خلش تیری کبھی اے سوز فرقت کم نہیں ہوتی
بت کافر ادا تجھ سے تری تصویر اچھی ہے
مری روداد غم سن کر کبھی برہم نہیں ہوتی
چلیں باد خزاں کے رات دن جھونکے گلستاں میں
محبت وہ کلی ہے جس کی خوشبو کم نہیں ہوتی
کروں تو کیا کروں تدبیر میں اس سوز فرقت کی
بجھانے پر بھی میری آتش غم کم نہیں ہوتی
تڑپنا دیکھتی رہتی ہے میرا رازؔ فرقت میں
شب غم تو بھی قسمت سے مری ہمدم نہیں ہوتی
مأخذ:
شان وطن (Pg. 65)
- مصنف: بشیر الدین راز
-
- ناشر: مکتبہ شان ہند، دہلی
- سن اشاعت: 1955
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
