اگر تجھ سے ہوں تو پھر اور کیا ہوں
اگر تجھ سے ہوں تو پھر اور کیا ہوں
میں کس جیسا ہوں کس کس سے جدا ہوں
مجھے معلوم ہے کتنا برا ہوں
یہ کیا کم ہے کہ اپنا آئنہ ہوں
کوئی دیوار سی ٹوٹی ہے شاید
میں اندر ہی کہیں گرنے لگا ہوں
کبھی تو سامنے آؤں گا اپنے
کہ اپنی راہ میں کب سے کھڑا ہوں
مجھے احساس نے گھیرا ہوا ہے
میں اپنے آپ اپنا دائرہ ہوں
یہ میرا ہاتھ کس کے ہاتھ میں ہے
یہ کس کے پاؤں ہیں جن پر کھڑا ہوں
مرے الفاظ پتھر ہو گئے ہیں
میں اپنے ہاتھ سے زخمی ہوا ہوں
خود اپنے آپ کو آواز دے کر
نہ جانے اشکؔ کس کو ڈھونڈھتا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.