agarche kar-e-duniya kuchh nahin hai
agarche kār-e-duniyā kuchh nahīñ hai
magar is ke alāva kuchh nahīñ hai
agar dhartī pe bādal hī na barseñ
to ye dariyā akelā kuchh nahīñ hai
bahut nārāz haiñ ik dūsre se
magar donoñ meñ jhagḌā kuchh nahīñ hai
ye jo kuchh ho rahā hai shahr bhar meñ
tamāshā hai tamāshā kuchh nahīñ hai
ye maiñ huuñ jo badal jaatā huuñ har roz
zamāne meñ badaltā kuchh nahīñ hai
agar jholī na phailā.ī ga.ī ho
to vo bedard detā kuchh nahīñ hai
ye duniyā hai yūñhī chaltī rahegī
mire hone se honā kuchh nahīñ hai
agarche kar-e-duniya kuchh nahin hai
magar is ke alawa kuchh nahin hai
agar dharti pe baadal hi na barsen
to ye dariya akela kuchh nahin hai
bahut naraaz hain ek dusre se
magar donon mein jhagDa kuchh nahin hai
ye jo kuchh ho raha hai shahr bhar mein
tamasha hai tamasha kuchh nahin hai
ye main hun jo badal jata hun har roz
zamane mein badalta kuchh nahin hai
agar jholi na phailai gai ho
to wo bedard deta kuchh nahin hai
ye duniya hai yunhi chalti rahegi
mere hone se hona kuchh nahin hai
Source:
makhzan(shazaad ahmad number-) (Pg. 164)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
