ahl-e-dair-o-haram rah gae

ahl-e-dair-o-haram rah ga.e

tere dīvāne kam rah ga.e

miT ga.e manziloñ ke nishāñ

sirf naqsh-e-qadam rah ga.e

ham ne har shai sañvārī magar

un kī zulfoñ ke ḳham rah ga.e

be-takalluf vo auroñ se haiñ

naaz uThāne ko ham rah ga.e

riñd jannat meñ jā bhī chuke

vā.iz-e-mohtaram rah ga.e

dekh kar terī tasvīr ko

aa.ina ban ke ham rah ga.e

ai 'fanā' terī taqdīr meñ

saarī duniyā ke ġham rah ga.e

ahl-e-dair-o-haram rah gae

tere diwane kam rah gae

miT gae manzilon ke nishan

sirf naqsh-e-qadam rah gae

hum ne har shai sanwari magar

un ki zulfon ke KHam rah gae

be-takalluf wo auron se hain

naz uThane ko hum rah gae

rind jannat mein ja bhi chuke

waiz-e-mohtaram rah gae

dekh kar teri taswir ko

aaina ban ke hum rah gae

ai 'fana' teri taqdir mein

sari duniya ke gham rah gae