ai dil ye hai ḳhilāf-e-rasm-e-vafā-parastī
tauba butoñ ke aage zikr-e-ḳhudā-parastī
ik ḳhanjar-e-qazā hai ik nashtar-e-jafā hai
vo chashm-e-shoḳh jo hai mahv-e-hayā-parastī
dikhlā.ūñgā tamāshā is aa.ine meñ tum ko
sub.h-e-azal se dil hai mahv-e-safā-parastī
zālim kī hai ye koshish is ko kahīñ miTā duuñ
mazlūm dil ko mere fikr-e-baqā-parastī
kyuuñ sāz-o-barg-e-hastī kartā hai tū muhayyā
duniyā ko hai azal se zauq-e-fanā-parastī
laa.ī na mai-kade se vāpas 'azīz' tujh ko
ye hikmat-o-tasavvuf ye auliyā-parastī
ai dil ye hai KHilaf-e-rasm-e-wafa-parasti
tauba buton ke aage zikr-e-KHuda-parasti
ek KHanjar-e-qaza hai ek nashtar-e-jafa hai
wo chashm-e-shoKH jo hai mahw-e-haya-parasti
dikhlaunga tamasha is aaine mein tum ko
subh-e-azal se dil hai mahw-e-safa-parasti
zalim ki hai ye koshish is ko kahin miTa dun
mazlum dil ko mere fikr-e-baqa-parasti
kyun saz-o-barg-e-hasti karta hai tu muhayya
duniya ko hai azal se zauq-e-fana-parasti
lai na mai-kade se wapas 'aziz' tujh ko
ye hikmat-o-tasawwuf ye auliya-parasti
Source:
Gulkadah(Majmua-e-Ghazliyat) (Pg. e-139 p-111)
-
Author:
Mirza Mohammad Hadi Aziz Lakhnavi
-
- Edition: 1936
- Publisher: Siddique Book Depot, Lucknow
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.