اے یاس مرا گھر ترا مسکن تو نہیں ہے
اے یاس مرا گھر ترا مسکن تو نہیں ہے
دل ہے یہ تمناؤں کا مدفن تو نہیں ہے
کیا بات ہے گلزار ہے کیوں برق سے محفوظ
بے برگ مری شاخ نشیمن تو نہیں ہے
ہاں دیدۂ تحقیق سے اے ذوق سفر دیکھ
رہبر جسے سمجھا ہے وہ رہزن تو نہیں ہے
تکلیف اسیری کی شکایت نہ کر اے دل
یہ کنج قفس کنج نشیمن تو نہیں ہے
آؤ کہ تمناؤں میں ہے تاب نظارہ
یہ دل ہے مرا وادیٔ ایمن تو نہیں ہے
چھو کر ہی جسے آتش دوزخ ہوئی ٹھنڈی
دامن یہ کسی رند کا دامن تو نہیں ہے
منظور ہے کچھ جانچ ترے عزم کی اس کو
دراصل زمانہ ترا دشمن تو نہیں ہے
بے سعیٔ عمل خاک ہے انسان کو جینا
یہ رزم گہہ زیست ہے مدفن تو نہیں ہے
صیاد اجازت کہ ذرا دیکھ تو آؤں
جلتا ہے جو وہ میرا نشیمن تو نہیں ہے
دیکھو تو رہا دشت نوردی پہ جو نازاں
وہ عرشؔ رواں جانب گلشن تو نہیں ہے
مأخذ:
Kulliyat-e-Arsh (Pg. 59)
- مصنف: Arsh Malsiyani
-
- ناشر: Ali Imran Chaudhary
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
