ajab manzar bara-e-guftugu rakkha hua tha

'ajab manzar barā-e-guftugū rakkhā huā thā

charāġh ik aa.ine ke rū-barū rakkhā huā thā

zamurrad shāḳhchoñ yāqūtī phūloñ ne musalsal

parindoñ ko asīr-e-rang-o-bū rakkhā huā thā

darīche meñ udhar do nīm-bāz āñkheñ jaḌī thiiñ

galī ne āhaToñ ko narm ḳhud rakkhā huā thā

munaqqash tasht meñ lamhoñ ke sar laa.e ga.e the

piyāle meñ zamānoñ kā lahū rakkhā huā thā

udhar jab lashkarī apnī kamāneñ khīñchte the

idhar hāthoñ meñ ik tishna gulū rakkhā huā thā

sitāre jis jagah paanī ke uupar bah rahe the

burīda sar kanār-e-ābjū rakkhā huā thā

ThiThurtī raakh meñ sayyārgāñ behis paḌe the

barābar meñ jahān-e-hāo-hū rakkhā huā thā

na.e din kā varaq ḳhākistarī kartī rutoñ ko

kitāb-e-roz-o-shab ne surḳh-rū rakkhā huā thā

'ajab manzar bara-e-guftugu rakkha hua tha

charagh ek aaine ke ru-baru rakkha hua tha

zamurrad shaKHchon yaquti phulon ne musalsal

parindon ko asir-e-rang-o-bu rakkha hua tha

dariche mein udhar do nim-baz aankhen jaDi thin

gali ne aahaTon ko narm KHud rakkha hua tha

munaqqash tasht mein lamhon ke sar lae gae the

piyale mein zamanon ka lahu rakkha hua tha

udhar jab lashkari apni kamanen khinchte the

idhar hathon mein ek tishna gulu rakkha hua tha

sitare jis jagah pani ke upar bah rahe the

burida sar kanar-e-abju rakkha hua tha

ThiThurti rakh mein sayyargan behis paDe the

barabar mein jahan-e-hao-hu rakkha hua tha

nae din ka waraq KHakistari karti ruton ko

kitab-e-roz-o-shab ne surKH-ru rakkha hua tha