ajib waqia tha usko apne ghar lana

ajiib vāqi.a thā us ko apne ghar laanā

kabhī charāġh uThānā kabhī qamar laanā

bayān-e-ijz meñ alfāz-e-mo'atabar laanā

baḌā kamāl duāoñ meñ hai asar laanā

bahut hai aaj tamannā uḌaan bharne kī

qafas se jā ke hamāre shikasta par laanā

thake hue haiñ sabhī pā.emāl rāhoñ par

kahīñ se DhūñD ke phir taaza rah-guzar laanā

vo shoḳh rañg kā shaidā hai ye ḳhayāl rahe

qarīb aanā to ḳhud ko lahū meñ tar laanā

bas ek kaam huā ham se zindagī meñ 'imām'

ayāġh-e-umr sharāb-e-ziyāñ se bhar laanā

ajib waqia tha us ko apne ghar lana

kabhi charagh uThana kabhi qamar lana

bayan-e-ijz mein alfaz-e-mo'atabar lana

baDa kamal duaon mein hai asar lana

bahut hai aaj tamanna uDan bharne ki

qafas se ja ke hamare shikasta par lana

thake hue hain sabhi paemal rahon par

kahin se DhunD ke phir taza rah-guzar lana

wo shoKH rang ka shaida hai ye KHayal rahe

qarib aana to KHud ko lahu mein tar lana

bas ek kaam hua hum se zindagi mein 'imam'

ayagh-e-umr sharab-e-ziyan se bhar lana