aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aks aaina-KHana se alag rakkha hai

Shahid Kamal

aks aaina-KHana se alag rakkha hai

Shahid Kamal

MORE BYShahid Kamal

    aks ā.īna-ḳhāna se alag rakkhā hai

    vahshat-e-zāt ko sahrā se alag rakkhā hai

    ḳhud ko maiñ ḳhud se bhī milne nahīñ detā hargiz

    apnī duniyā ko bhī duniyā se alag rakkhā hai

    maiñ kahāñ sā.at-e-imroz meñ rahne vaalā

    maiñ ne har roz ko fardā se alag rakkhā hai

    do mahāzoñ pe abhī ma.arka-ārā.ī hai

    ḳhema-e-sabr ko dajla se alag rakkhā hai

    ḳhushk mashkīza-e-hulqūm nigarānī meñ

    pyaas ke ḳhitte ko dariyā se alag rakkhā hai

    vo to kahtā hai tirī zaat meñ zam huuñ lekin

    us ne bhī ḳhud ko bas ik se alag rakkhā hai

    kitnā āsān hai ye jāda-e-dushvār bhī ab

    apnā har naqsh kaf-e-pā se alag rakkhā hai

    maiñ 'yagānā' taraf-dār nahīñ huuñ 'shāhid'

    is liye miir ko mirzā se alag rakkhā hai

    aks aaina-KHana se alag rakkha hai

    wahshat-e-zat ko sahra se alag rakkha hai

    KHud ko main KHud se bhi milne nahin deta hargiz

    apni duniya ko bhi duniya se alag rakkha hai

    main kahan saat-e-imroz mein rahne wala

    main ne har roz ko farda se alag rakkha hai

    do mahazon pe abhi marka-arai hai

    KHema-e-sabr ko dajla se alag rakkha hai

    KHushk mashkiza-e-hulqum ki nigarani mein

    pyas ke KHitte ko dariya se alag rakkha hai

    wo to kahta hai teri zat mein zam hun lekin

    us ne bhi KHud ko bas ek la se alag rakkha hai

    kitna aasan hai ye jada-e-dushwar bhi ab

    apna har naqsh kaf-e-pa se alag rakkha hai

    main 'yagana' ka taraf-dar nahin hun 'shahid'

    is liye mir ko mirza se alag rakkha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now