allāh ke bhī ghar se hai kū-e-butāñ aziiz
ka.abe se bhī ziyāda hai hindostāñ aziiz
ye musht-e-ḳhāk ho kahīñ maqbūl-e-bārgāh
miTTī hamārī kar bhī chuke āsmāñ aziiz
shikve kī jā-e-ġhair se baaqī nahīñ rahī
dushman se bhī ziyāda haiñ ḳhubān-e-jāñ aziiz
hastī adam se laa.ī hai kis mulk-e-ġhair meñ
koī na āshnā hai hamārā na yaañ aziiz
ai 'rind' apne ahd meñ qadr-e-suḳhan nahīñ
har asr meñ vagarna the ahl-e-zabāñ aziiz
allah ke bhi ghar se hai ku-e-butan aziz
kabe se bhi ziyaada hai hindostan aziz
ye musht-e-KHak ho kahin maqbul-e-bargah
miTTi hamari kar bhi chuke aasman aziz
shikwe ki ja-e-ghair se baqi nahin rahi
dushman se bhi ziyaada hain KHuban-e-jaan aziz
hasti adam se lai hai kis mulk-e-ghair mein
koi na aashna hai hamara na yan aziz
ai 'rind' apne ahd mein qadr-e-suKHan nahin
har asr mein wagarna the ahl-e-zaban aziz
Source:
Ghazal Usne Chhedi(3) (Pg. 65)
-
Author:
Farhat Ehsas
-
- Edition: 2017
- Publisher: Rekhta Books
- Year of Publication: 2017
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.