almari se KHat uske purane nikal aae

almārī se ḳhat us ke purāne nikal aa.e

phir se mire chehre pe ye daane nikal aa.e

maañ baiTh ke taktī thī jahāñ se mirā rasta

miTTī ke haTāte hī ḳhazāne nikal aa.e

mumkin hai hameñ gaañv bhī pahchān na paa.e

bachpan meñ hī ham ghar se kamāne nikal aa.e

ai ret ke zarre tirā ehsān bahut hai

āñkhoñ ko bhigone ke bahāne nikal aa.e

ab tere bulāne se bhī ham aa nahīñ sakte

ham tujh se bahut aage zamāne nikal aa.e

ek ḳhauf sā rahtā hai mire dil meñ hamesha

kis ghar se tirī yaad na jaane nikal aa.e

almari se KHat us ke purane nikal aae

phir se mere chehre pe ye dane nikal aae

man baiTh ke takti thi jahan se mera rasta

miTTi ke haTate hi KHazane nikal aae

mumkin hai hamein ganw bhi pahchan na pae

bachpan mein hi hum ghar se kamane nikal aae

ai ret ke zarre tera ehsan bahut hai

aankhon ko bhigone ke bahane nikal aae

ab tere bulane se bhi hum aa nahin sakte

hum tujh se bahut aage zamane nikal aae

ek KHauf sa rahta hai mere dil mein hamesha

kis ghar se teri yaad na jaane nikal aae