apne aaba se bahut dur hua jata hai

apne aabā se bahut duur huā jaatā hai

aadmī ishq meñ majbūr huā jaatā hai

is meñ kyā chāñd sitāroñ ko qabāhat hogī

zarra-e-ḳhāk agar nuur huā jaatā hai

dekhnā yaar vahī hogā vahī honā hai jo

mere allāh ko manzūr huā jaatā hai

dard aisā ki baḌhtā hai mire siine meñ

zaḳhm aisā ki nāsūr huā jaatā hai

naqsh ban kar yahī ubhregā sar-e-sehn-e-jahāñ

aks manzar meñ jo mastūr huā jaatā hai

us ke ruḳhsār se hotā huā lab tak pahuñchā

ashk to mashrab-e-añgūr huā jaatā hai

maiñ use chāhte rahne meñ huuñ masrūf 'fidā'

ye gunah mujh se ba-dastūr huā jaatā hai

apne aaba se bahut dur hua jata hai

aadmi ishq mein majbur hua jata hai

is mein kya chand sitaron ko qabahat hogi

zarra-e-KHak agar nur hua jata hai

dekhna yar wahi hoga wahi hona hai jo

mere allah ko manzur hua jata hai

dard aisa ki baDhta hai mere sine mein

zaKHm aisa ki nasur hua jata hai

naqsh ban kar yahi ubhrega sar-e-sehn-e-jahan

aks manzar mein jo mastur hua jata hai

us ke ruKHsar se hota hua lab tak pahuncha

ashk to mashrab-e-angur hua jata hai

main use chahte rahne mein hun masruf 'fida'

ye gunah mujh se ba-dastur hua jata hai