apne aansu mujhe chhupana hai
apne aañsū mujhe chhupānā hai
ab bahar-hāl muskurānā hai
aap aa.eñ ġharīb-ḳhāna par
hāl-e-dil aap ko sunānā hai
bazm meñ aap aa rahe haiñ mirī
sham' kī lau ko ab baḌhānā hai
sun ke rūdād-e-ġham vo kahte haiñ
kyā maze kā tirā fasāna hai
ai ḳhudī terā ab ḳhudā-hāfiz
ḳhud mujhe un ko ab manānā hai
apne aansu mujhe chhupana hai
ab bahar-haal muskurana hai
aap aaen gharib-KHana par
haal-e-dil aap ko sunana hai
bazm mein aap aa rahe hain meri
sham' ki lau ko ab baDhana hai
sun ke rudad-e-gham wo kahte hain
kya maze ka tera fasana hai
ai KHudi tera ab KHuda-hafiz
KHud mujhe un ko ab manana hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
