apne ashaar ko ruswa sar-e-bazar karun
apne ash.ār ko rusvā sar-e-bāzār karūñ
kaise mumkin hai ki maiñ mid.hat-e-darbār karūñ
dil meñ maqtūl kī tasvīr liye phirtā huuñ
aur qātil se aqīdat kā bhī iz.hār karūñ
yahī manshūr-e-mohabbat hai ki vo paikar-e-zulm
jis ko nafrat se navāze maiñ use pyaar karūñ
ab mire shahr kī pahchān hai ik vāda-shikan
shahriyat badlūñ ki tārīḳh kā inkār karūñ
raat bhar jaag ke tāmīr karūñ qasr-e-umīd
sub.h-e-takmīl se pahle use mismār karūñ
apne ashaar ko ruswa sar-e-bazar karun
kaise mumkin hai ki main midhat-e-darbar karun
dil mein maqtul ki taswir liye phirta hun
aur qatil se aqidat ka bhi izhaar karun
yahi manshur-e-mohabbat hai ki wo paikar-e-zulm
jis ko nafrat se nawaze main use pyar karun
ab mere shahr ki pahchan hai ek wada-shikan
shahriyat badlun ki tariKH ka inkar karun
raat bhar jag ke tamir karun qasr-e-umid
subh-e-takmil se pahle use mismar karun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
