apne lafzon mein ki har chand ayan hun main bhi

apne lafzoñ meñ ki har chand ayaañ huuñ maiñ bhī

ban ke zaḳhmoñ kī kasak ḳhud meñ nihāñ huuñ maiñ bhī

tere āġhāz se anjām hai raushan merā

barg-e-āvāra koī ḳhāk-e-ravāñ huuñ maiñ bhī

mo'tabar ab to banā ai nigah-e-nāz mujhe

is bhare shahr meñ benām-o-nishāñ huuñ maiñ bhī

vaz.a-dārī kā ḳharīdār kahīñ se laao

apnī tahzīb kī uThtī sī dukāñ huuñ maiñ bhī

tere ḳhvāboñ se hai ābād ḳharāba merā

terī yādoñ meñ karāñ-tā-ba-karāñ huuñ maiñ bhī

apne lafzon mein ki har chand ayan hun main bhi

ban ke zaKHmon ki kasak KHud mein nihan hun main bhi

tere aaghaz se anjam hai raushan mera

barg-e-awara koi KHak-e-rawan hun main bhi

mo'tabar ab to bana ai nigah-e-naz mujhe

is bhare shahr mein benam-o-nishan hun main bhi

waza-dari ka KHaridar kahin se lao

apni tahzib ki uThti si dukan hun main bhi

tere KHwabon se hai aabaad KHaraba mera

teri yaadon mein karan-ta-ba-karan hun main bhi