apne siwa nahin hai kisi ma-siwa ka rang

apne sivā nahīñ hai kisī mā-sivā kā rang

dekhā hai ham ne aag jalā kar havā kā rang

har gosha-e-bisāt-e-chaman hai lahū lahū

dhūmeñ machā rahā hai kisī kī anā kā rang

aa.ī jab apne shahr kī tasvīr sāmne

āñkhoñ ke aage phail gayā karbalā kā rang

jamtī nahīñ nigāh kisī tez chashm kī

pahnā hai qātiloñ ne bhī kaisā balā kā rang

yak-rangī-e-hayāt se ghabrā na jaa.eñ kyoñ

jo aaj ġhair kā hai vahī āshnā kā rang

parvāz kī hai fikr ki ġham bāl-o-par kā hai

'āsim' uḌā uḌā sā hai ḳhalq-e-ḳhudā kā rang

apne siwa nahin hai kisi ma-siwa ka rang

dekha hai hum ne aag jala kar hawa ka rang

har gosha-e-bisat-e-chaman hai lahu lahu

dhumen macha raha hai kisi ki ana ka rang

aai jab apne shahr ki taswir samne

aankhon ke aage phail gaya karbala ka rang

jamti nahin nigah kisi tez chashm ki

pahna hai qatilon ne bhi kaisa bala ka rang

yak-rangi-e-hayat se ghabra na jaen kyon

jo aaj ghair ka hai wahi aashna ka rang

parwaz ki hai fikr ki gham baal-o-par ka hai

'asim' uDa uDa sa hai KHalq-e-KHuda ka rang