apne zaKHmon ko dho raha hai koi

apne zaḳhmoñ ko dho rahā hai koī

ḳhuun hī ḳhuun ho rahā hai koī

qissa-e-ġham sañjo rahā hai koī

motiyoñ ko piro rahā hai koī

merī āñkhoñ meñ phir se aañsū haiñ

aaj phir dil meñ ro rahā hai koī

baat haañ nā kī thī kisī ke liye

umr kā bojh Dho rahā hai koī

gulshan-e-ishq kā pata de kar

ḳhushbuoñ meñ Dubo rahā hai koī

ḳhvāb chhūne lage haiñ āñkhoñ ko

hasratoñ ko bhigo rahā hai koī

chāñd ke saath ik sitārā 'zafar'

jaise bāñhoñ meñ so rahā hai koī

apne zaKHmon ko dho raha hai koi

KHun hi KHun ho raha hai koi

qissa-e-gham sanjo raha hai koi

motiyon ko piro raha hai koi

meri aankhon mein phir se aansu hain

aaj phir dil mein ro raha hai koi

baat han na ki thi kisi ke liye

umr ka bojh Dho raha hai koi

gulshan-e-ishq ka pata de kar

KHushbuon mein Dubo raha hai koi

KHwab chhune lage hain aankhon ko

hasraton ko bhigo raha hai koi

chand ke sath ek sitara 'zafar'

jaise banhon mein so raha hai koi