ashkon ne samundar mein ek aag lagai hai

ashkoñ ne samundar meñ ik aag lagā.ī hai

paanī pe sitam-gar kī tasvīr banā.ī hai

is dil ne rulāyā hai ik baar mujhe phir se

is dil ne mujhe phir se vo yaad dilā.ī hai

ye kaisī judā.ī hai jo ḳhatm nahīñ hotī

ye kaisī udāsī hai is dil pe jo chhā.ī hai

maiñ ne hī mohabbat kā iz.hār kiyā pahle

maiñ ne hī use jā kar ye baat batā.ī hai

mushkil se guzārā hai is dil ne bahut mujh ko

is dil ko agar terī kuchh yaad bhī aa.ī hai

ik kaam kā ham ne bhī ye kaam kiyā hai bas

ik naam kī shohrat hī bas ham ne kamā.ī hai

bas maiñ ne 'vaqās' us ko is dil meñ basāyā hai

bas maiñ ne 'vaqās' us se ye baat chhupā.ī hai

ashkon ne samundar mein ek aag lagai hai

pani pe sitam-gar ki taswir banai hai

is dil ne rulaya hai ek bar mujhe phir se

is dil ne mujhe phir se wo yaad dilai hai

ye kaisi judai hai jo KHatm nahin hoti

ye kaisi udasi hai is dil pe jo chhai hai

main ne hi mohabbat ka izhaar kiya pahle

main ne hi use ja kar ye baat batai hai

mushkil se guzara hai is dil ne bahut mujh ko

is dil ko agar teri kuchh yaad bhi aai hai

ek kaam ka hum ne bhi ye kaam kiya hai bas

ek nam ki shohrat hi bas hum ne kamai hai

bas main ne 'waqas' us ko is dil mein basaya hai

bas main ne 'waqas' us se ye baat chhupai hai