ashk-e-gham aankh se bahar bhi nahin aane ka
ashk-e-ġham aañkh se bāhar bhī nahīñ aane kā
abr chhaT jaa.eñ vo manzar bhī nahīñ aane kā
ab ke āġhāz-e-safar soch samajh ke karnā
dasht milne kā nahīñ ghar bhī nahīñ aane kā
haa.e kyā ham ne taḌapne kā sila paayā hai
aisā ārām jo aa kar bhī nahīñ aane kā
ahd-e-'ġhālib' se ziyāda hai mire ahd kā karb
ab to kuuze meñ samundar bhī nahīñ aane kā
sabza dīvār pe ug aayā 'zafar' ḳhush ho lo
aage āñkhoñ meñ ye manzar bhī nahīñ aane kā
ashk-e-gham aankh se bahar bhi nahin aane ka
abr chhaT jaen wo manzar bhi nahin aane ka
ab ke aaghaz-e-safar soch samajh ke karna
dasht milne ka nahin ghar bhi nahin aane ka
hae kya hum ne taDapne ka sila paya hai
aisa aaram jo aa kar bhi nahin aane ka
ahd-e-'ghaalib' se ziyaada hai mere ahd ka karb
ab to kuze mein samundar bhi nahin aane ka
sabza diwar pe ug aaya 'zafar' KHush ho lo
aage aankhon mein ye manzar bhi nahin aane ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
