aur na dar-ba-dar phira aur na aazma mujhe

aur na dar-ba-dar phirā aur na aazmā mujhe

bas mire parda-dār bas! ab nahīñ hausla mujhe

saḳht nazar-fareb hai ā.ina-ḳhāna-e-jamāl

us kī chamak-damak na dekh, dekh bujhā bujhā mujhe

habs-e-hujūm-e-ḳhalq se ghuT ke alag huā to maiñ

qatra ba-sat.h-e-bahar thā chaaT ga.ī havā mujhe

sabr karo muhāsibo vaqt tumheñ batā.egā

dahr ko maiñ ne kyā diyā dahr se kyā milā mujhe

sirf usī ke sāmne ḳhvār kiyā thā aas ne

yaas ne fard fard par aa.ina kar diyā mujhe

tere hī misr kā malāl tere hī najd kā ḳhayāl

shahr-ba-shahr kū-ba-kū gām-ba-gām thā mujhe

kār-gah-e-baqā mujhe zāt-o-hayāt-o-kā.enāt

zāt-o-hayāt-o-kā.enāt dā.era-e-fanā mujhe

zāt-o-hayāt-o-kā.enāt be-sar-o-pā o be-sabāt

be-sar-o-pā o be-sabāt shai se umiid kyā mujhe

raat luġhāt-e-umr se maiñ ne chunā thā ek lafz

lafz bahut ajiib thā yaad nahīñ rahā mujhe

thā guzarāñ guzar gayā vaqt-e-visāl aur bas

ḳhaak bhī chhāntā phirā phir na kabhī milā mujhe

maiñ ne hañsī-ḳhushī use jaane diyā thā haañ magar

ye to muāhida na thā muḌ ke na dekhnā mujhe

shaam us aadmī kī yaad aa.ī jo ek umr ba.ad

jāniye kis azaab meñ kar ga.ī mubtalā mujhe

maiñ ne use shikast dī sīna-ba-sīna lab-ba-lab

sīna-ba-sīna lab-ba-lab us ne harā diyā mujhe

jo na sunā thā dahr se us kī zabāñ se sun liyā

ab mujhe koī kuchh kahe fikr nahīñ zarā mujhe

haiñ tirī mehrbāniyāñ bhūlī huī kahāniyāñ

bhūlī huī kahāniyāñ yaad na ab dilā mujhe

fan ko samajh liyā gayā mahz atiyya-e-falak

sa.ī-o-riyāz kā sila ḳhuub diyā gayā mujhe

mahram-e-ḳhās dekhnā so to nahīñ gayā 'shu.ūr'

der huī sune hue koī na.ī sadā mujhe

aur na dar-ba-dar phira aur na aazma mujhe

bas mere parda-dar bas! ab nahin hausla mujhe

saKHt nazar-fareb hai aaina-KHana-e-jamal

us ki chamak-damak na dekh, dekh bujha bujha mujhe

habs-e-hujum-e-KHalq se ghuT ke alag hua to main

qatra ba-sath-e-bahar tha chaT gai hawa mujhe

sabr karo muhasibo waqt tumhein bataega

dahr ko main ne kya diya dahr se kya mila mujhe

sirf usi ke samne KHwar kiya tha aas ne

yas ne fard fard par aaina kar diya mujhe

tere hi misr ka malal tere hi najd ka KHayal

shahr-ba-shahr ku-ba-ku gam-ba-gam tha mujhe

kar-gah-e-baqa mujhe zat-o-hayat-o-kaenat

zat-o-hayat-o-kaenat daera-e-fana mujhe

zat-o-hayat-o-kaenat be-sar-o-pa o be-sabaat

be-sar-o-pa o be-sabaat shai se umid kya mujhe

raat lughat-e-umr se main ne chuna tha ek lafz

lafz bahut ajib tha yaad nahin raha mujhe

tha guzaran guzar gaya waqt-e-visal aur bas

KHak bhi chhanta phira phir na kabhi mila mujhe

main ne hansi-KHushi use jaane diya tha han magar

ye to muahida na tha muD ke na dekhna mujhe

sham us aadmi ki yaad aai jo ek umr baad

jaaniye kis azab mein kar gai mubtala mujhe

main ne use shikast di sina-ba-sina lab-ba-lab

sina-ba-sina lab-ba-lab us ne hara diya mujhe

jo na suna tha dahr se us ki zaban se sun liya

ab mujhe koi kuchh kahe fikr nahin zara mujhe

hain teri mehrbaniyan bhuli hui kahaniyan

bhuli hui kahaniyan yaad na ab dila mujhe

fan ko samajh liya gaya mahz atiyya-e-falak

sai-o-riyaz ka sila KHub diya gaya mujhe

mahram-e-KHas dekhna so to nahin gaya 'shuur'

der hui sune hue koi nai sada mujhe