ba-nam-e-ishq yahi ek kaam karte hain
ba-nām-e-ishq yahī ek kaam karte haiñ
ye zindagī kā safar us ke naam karte haiñ
ajab nahīñ dar-o-dīvār jaise ho jaa.eñ
ham aise log jo ḳhud se kalām karte haiñ
ye māh-rū bhī to hote haiñ āñsuoñ kī tarah
kisī kī aañkh meñ kab ye qayām karte haiñ
ġhazab kī dhuup hai ab ke safar meñ ham-nafaso
kisī ke sāya-e-gesū meñ shaam karte haiñ
tumhī ne saath diyā zindagī kī rāhoñ meñ
kitāb-e-umr tumhāre hī naam karte haiñ
kuchh is tarah tirī āñkhoñ meñ ashk haiñ jaise
shab-e-siyah meñ sitāre ḳhirām karte haiñ
ajiib log haiñ 'tāriq-na.īm' shahr ke bhī
ye tīr-e-hijr diloñ meñ niyām karte haiñ
ba-nam-e-ishq yahi ek kaam karte hain
ye zindagi ka safar us ke nam karte hain
ajab nahin dar-o-diwar jaise ho jaen
hum aise log jo KHud se kalam karte hain
ye mah-ru bhi to hote hain aansuon ki tarah
kisi ki aankh mein kab ye qayam karte hain
ghazab ki dhup hai ab ke safar mein ham-nafaso
kisi ke saya-e-gesu mein sham karte hain
tumhi ne sath diya zindagi ki rahon mein
kitab-e-umr tumhaare hi nam karte hain
kuchh is tarah teri aankhon mein ashk hain jaise
shab-e-siyah mein sitare KHiram karte hain
ajib log hain 'tariq-naim' shahr ke bhi
ye tir-e-hijr dilon mein niyam karte hain
Source:
ruki huii shamon kii raahdaariyaz (Pg. 135)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
