baad muddat ke wo mila hai mujhe
ba.ad muddat ke vo milā hai mujhe
Dar judā.ī kā phir lagā hai mujhe
aa gayā huuñ maiñ dastaras meñ tirī
apne anjām kā pata hai mujhe
kyā karūñ ye kabhī nahīñ kahtā
jo karūñ us pe Toktā hai mujhe
tujh se mil ke maiñ jab se aayā huuñ
har koī muḌ ke dekhtā hai mujhe
ab talak kuchh varaq hī palTe haiñ
tujh ko jī bhar ke bāñchnā hai mujhe
Thokareñ jab kabhī maiñ khātā huuñ
kaun hai vo jo thāmtā hai mujhe
sochtā huuñ ye soch kar maiñ use
vo bhī aise hī sochtā hai mujhe
maiñ tujhe kis tarah bayān karūñ
ye karishma to sīkhnā hai mujhe
niiñd meñ chal rahā thā maiñ 'nīraj'
tū ne aa kar jagā diyā hai mujhe
baad muddat ke wo mila hai mujhe
Dar judai ka phir laga hai mujhe
aa gaya hun main dastaras mein teri
apne anjam ka pata hai mujhe
kya karun ye kabhi nahin kahta
jo karun us pe Tokta hai mujhe
tujh se mil ke main jab se aaya hun
har koi muD ke dekhta hai mujhe
ab talak kuchh waraq hi palTe hain
tujh ko ji bhar ke banchna hai mujhe
Thokaren jab kabhi main khata hun
kaun hai wo jo thamta hai mujhe
sochta hun ye soch kar main use
wo bhi aise hi sochta hai mujhe
main tujhe kis tarah bayan karun
ye karishma to sikhna hai mujhe
nind mein chal raha tha main 'niraj'
tu ne aa kar jaga diya hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
