بعد مدت کے یہ ہوا معلوم
بعد مدت کے یہ ہوا معلوم
جو ہے معلوم وہ ہے نا معلوم
کس نے کھوئے ہیں ہوش کیا معلوم
کون کافر ہے یہ خدا معلوم
ہم کو منزل کی ہے تلاش بہت
گو نہیں اس کا راستا معلوم
دل میں اک درد کی کسک سی تھی
اب ہوئی اس کی انتہا معلوم
جستجوئے ہزار کے با وصف
کچھ ہوا کچھ نہیں ہوا معلوم
راز کونین اسی پہ فاش نہیں
جس نے سمجھا کہ ہو گیا معلوم
اس کو قدرت نے دی گراں گوشی
جس کو ہے ساز کی صدا معلوم
درد سے واسطہ ہے درد سے کام
گو ہے اس درد کی دوا معلوم
عرشؔ وہ مجھ کو چھوڑتے ہی نہیں
اب ہوئی جرم کی سزا معلوم
مأخذ:
Kulliyat-e-Arsh (Pg. 105)
- مصنف: Arsh Malsiyani
-
- ناشر: Ali Imran Chaudhary
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
