baadh aai ganw ko dariya baha kar le gaya

baaḌh aa.ī gaañv ko dariyā bahā kar le gayā

ek pyāsā dūsre pyāse ko aa kar le gayā

ruuh meñ sadiyoñ kā sannāTā basā kar le gayā

maiñ jo arz-e-shahr se sahrā uThā kar le gayā

zehn kī almāriyoñ meñ dhuul sī uḌne lagī

koī alfāz-o-ma.ānī sab churā kar le gayā

rah gayā qaa.em phir us kī pāk-bāzī kā bharam

phir vo ik shaitān se ḳhud ko bachā kar le gayā

pahle kī mānind lutf-e-ābla-pā.ī nahīñ

kaun merī raah ke kāñTe uThā kar le gayā

kauḌiyoñ ke mol 'tāhir' bik ga.ī jins-e-hunar

māl-e-muflis har koī qīmat ghaTā kar le gayā

baDh aai ganw ko dariya baha kar le gaya

ek pyasa dusre pyase ko aa kar le gaya

ruh mein sadiyon ka sannaTa basa kar le gaya

main jo arz-e-shahr se sahra uTha kar le gaya

zehn ki almariyon mein dhul si uDne lagi

koi alfaz-o-maani sab chura kar le gaya

rah gaya qaem phir us ki pak-bazi ka bharam

phir wo ek shaitan se KHud ko bacha kar le gaya

pahle ki manind lutf-e-abla-pai nahin

kaun meri rah ke kanTe uTha kar le gaya

kauDiyon ke mol 'tahir' bik gai jins-e-hunar

mal-e-muflis har koi qimat ghaTa kar le gaya