banT lene ka irada kijiye

baañT lene kā irāda kījiye

ġham se thoḌā istifāda kījiye

sun ke dil kī baat rūTheñge nahīñ

pahle mujh se aap vā'da kījiye

aa.eñ āñkhoñ se pilā.ūñ aap ko

is taraf ye jām-o-bāda kījiye

ġham bhī milte haiñ mohabbat meñ huzūr

dāman-e-dil ko kushāda kījiye

sard-mehrī se nazar kyoñ pher lī

muskurāhaT ko labāda kījiye

chhoḌiye jo hai zamāne kā chalan

apnī būd-o-bāsh saada kījiye

nā-tavāñ kāñdhoñ pe mere hijr kā

is qadar mat bojh laadā kījiye

rāste par ḳhaar haiñ 'ambar' to kyā

aap chalne kā irāda kījiye

banT lene ka irada kijiye

gham se thoDa istifada kijiye

sun ke dil ki baat ruThenge nahin

pahle mujh se aap wa'da kijiye

aaen aankhon se pilaun aap ko

is taraf ye jam-o-baada kijiye

gham bhi milte hain mohabbat mein huzur

daman-e-dil ko kushada kijiye

sard-mehri se nazar kyon pher li

muskurahaT ko labaada kijiye

chhoDiye jo hai zamane ka chalan

apni bud-o-bash sada kijiye

na-tawan kandhon pe mere hijr ka

is qadar mat bojh lada kijiye

raste par KHar hain 'ambar' to kya

aap chalne ka irada kijiye