barak-allah main tere husn ki kya baat kahun

bārak-allāh maiñ tire husn kī kyā baat kahūñ

saj kahūñ dhaj kahūñ chhab taḳhtī kahūñ gaat kahūñ

ruḳh o zulf us ke shab-e-tār meñ dekhe bāham

huuñ achambhe meñ ise din kahūñ yā raat kahūñ

kī qayāmat tire qāmat ne to gulshan uupar

pañkhuḌī ek taraf phuul kahūñ paat kahūñ

tāq-e-abrū ke nazāre ke the ḳhvāhāñ so milā

aur kyā hājat ab ai qibla-e-hājāt kahūñ

dekhne ko abhī dil taḌpā ki tum aa pahuñche

kashish-e-dil ki tumhārī ye karāmāt kahūñ

ain hijrāñ meñ bahār-e-gul-o-bārāñ aa.ī

girya āshiq kā kahūñ yā use barsāt kahūñ

'azfarī' ne haiñ tire ishq meñ jhele pyāre

kyā kyā āfāt baliyyāt ki sadmāt kahūñ

barak-allah main tere husn ki kya baat kahun

saj kahun dhaj kahun chhab taKHti kahun gat kahun

ruKH o zulf us ke shab-e-tar mein dekhe baham

hun achambhe mein ise din kahun ya raat kahun

ki qayamat tere qamat ne to gulshan upar

pankhuDi ek taraf phul kahun pat kahun

taq-e-abru ke nazare ke the KHwahan so mila

aur kya hajat ab ai qibla-e-hajat kahun

dekhne ko abhi dil taDpa ki tum aa pahunche

kashish-e-dil ki tumhaari ye karamat kahun

ain hijran mein bahaar-e-gul-o-baran aai

girya aashiq ka kahun ya use barsat kahun

'azfari' ne hain tere ishq mein jhele pyare

kya kya aafat baliyyat ki sadmat kahun