baat mein kuchh magar bayan mein kuchh
baat meñ kuchh magar bayān meñ kuchh
rañg badlā har ek aan meñ kuchh
yuuñ hī qaa.em nahīñ hai ye duniyā
log achchhe haiñ is jahān meñ kuchh
marsiya ho gayā charāġhoñ kā
jab bhī likkhā havā kī shaan meñ kuchh
qatl hone haiñ sab ke sab kirdār
moḌ aise haiñ dāstān meñ kuchh
us ko dekhā milī palak se palak
jaan sī aa ga.ī hai jaan meñ kuchh
sirf lutf-e-safar kī baat nahīñ
ab maza bhī kahāñ thakān meñ kuchh
sab samajhtā hai apne matlab kī
koī bole kisī zabān meñ kuchh
kyā bharosa hai us kā ai 'fārūq'
aan meñ kuchh hai aur aan meñ kuchh
baat mein kuchh magar bayan mein kuchh
rang badla har ek aan mein kuchh
yun hi qaem nahin hai ye duniya
log achchhe hain is jahan mein kuchh
marsiya ho gaya charaghon ka
jab bhi likkha hawa ki shan mein kuchh
qatl hone hain sab ke sab kirdar
moD aise hain dastan mein kuchh
us ko dekha mili palak se palak
jaan si aa gai hai jaan mein kuchh
sirf lutf-e-safar ki baat nahin
ab maza bhi kahan thakan mein kuchh
sab samajhta hai apne matlab ki
koi bole kisi zaban mein kuchh
kya bharosa hai us ka ai 'faruq'
aan mein kuchh hai aur aan mein kuchh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
