baDh gaya baada-e-gul-gun ka maza aaKHir-e-shab

baḌh gayā bāda-e-gul-gūñ kā mazā āḳhir-e-shab

aur bhī surḳh hai ruḳhsār-e-hayā āḳhir-e-shab

manzileñ ishq kī āsāñ huiiñ chalte chalte

aur chamkā tirā naqsh-e-kaf-e-pā āḳhir-e-shab

khaTkhaTā jaatā hai zanjīr-e-dar-e-mai-ḳhāna

koī dīvāna koī ābla-pā āḳhir-e-shab

saañs ruktī hai chhalakte hue paimāne meñ

koī letā thā tirā nām-e-vafā āḳhir-e-shab

gul hai qindīl-e-haram gul haiñ kalīsā ke charāġh

sū-e-paimāna baḌhe dast-e-duā āḳhir-e-shab

haa.e kis dhuum se niklā hai shahīdoñ kā julūs

jurm chup sar-ba-garebāñ hai jafā āḳhir-e-shab

isī andāz se phir sub.h kā āñchal Dhalke

isī andāz se chal bād-e-sabā āḳhir-e-shab

baDh gaya baada-e-gul-gun ka maza aaKHir-e-shab

aur bhi surKH hai ruKHsar-e-haya aaKHir-e-shab

manzilen ishq ki aasan huin chalte chalte

aur chamka tera naqsh-e-kaf-e-pa aaKHir-e-shab

khaTkhaTa jata hai zanjir-e-dar-e-mai-KHana

koi diwana koi aabla-pa aaKHir-e-shab

sans rukti hai chhalakte hue paimane mein

koi leta tha tera nam-e-wafa aaKHir-e-shab

gul hai qindil-e-haram gul hain kalisa ke charagh

su-e-paimana baDhe dast-e-dua aaKHir-e-shab

hae kis dhum se nikla hai shahidon ka julus

jurm chup sar-ba-gareban hai jafa aaKHir-e-shab

isi andaz se phir subh ka aanchal Dhalke

isi andaz se chal baad-e-saba aaKHir-e-shab