baDhao hath baDhao faqir mauj mein hai
baḌhāo haath baḌhāo faqīr mauj meñ hai
tavañgaro idhar aao faqīr mauj meñ hai
jise bhī chāhiye ḳhairāt-e-nūr le jaa.e
bhaḌak rahā hai alaav faqīr mauj meñ hai
ḳharīd le na tumhārī ye kā.enāt tamām
use batānā na bhaav faqīr mauj meñ hai
girā huā to nahīñ hai zamīñ ko thāme hai
zamīn se na uThāo faqīr mauj meñ hai
bas ik tarīqa hai us ke qarīb jaane kā
dhamāl Dālte jaao faqīr mauj meñ hai
abhī tum us kī nigāhoñ se do-jahāñ dekho
abhī subū na uThāo faqīr mauj meñ hai
ḳhamosh baiThā huā hai ḳhamosh rahne do
aur apnī ḳhair manāo faqīr mauj meñ hai
baDhao hath baDhao faqir mauj mein hai
tawangaro idhar aao faqir mauj mein hai
jise bhi chahiye KHairaat-e-nur le jae
bhaDak raha hai alaw faqir mauj mein hai
KHarid le na tumhaari ye kaenat tamam
use batana na bhaw faqir mauj mein hai
gira hua to nahin hai zamin ko thame hai
zamin se na uThao faqir mauj mein hai
bas ek tariqa hai us ke qarib jaane ka
dhamal Dalte jao faqir mauj mein hai
abhi tum us ki nigahon se do-jahan dekho
abhi subu na uThao faqir mauj mein hai
KHamosh baiTha hua hai KHamosh rahne do
aur apni KHair manao faqir mauj mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
