بڑی بڑی عمارتوں کو حیرتوں سے دیکھنا

بڑی بڑی عمارتوں کو حیرتوں سے دیکھنا

پھر اس کے بعد اپنے گھر کو آنسوؤں سے دیکھنا

خرید لاؤں سب سے مہنگی چوڑیاں جہان کی

پھر ایک خواب رنگ برنگی چوڑیوں سے دیکھنا

کسی کی آرتی سہاگ کے لئے اتارنا

پھر اپنی ہی چتا کو سرمئی دھواں سے دیکھنا

بڑا عجب گناہ ہے بڑی عجیب بات ہے

یہ ایک دوسرے کو بھیگی چاہتوں سے دیکھنا

ہم ایک پوری داستاں ہیں یاد کر کے دیکھیے

کبھی ہمیں وفا کے ٹوٹے سلسلوں سے دیکھنا

کہاں کہاں جلے چراغ لے کے ہم کھڑے رہے

ہماری زندہ داستاں کو کھنڈروں سے دیکھنا

بہت قریب ہم کو اپنی آہٹوں سے پاؤ گے

نظر سے دور جا کے ہم کو راستوں سے دیکھنا

زمیں سے آسماں تلک نہ کوئی بات پاؤ گے

کبھی کبھی غزل کو اس کے قافیوں سے دیکھنا