baġhaur dekh rahā hai adā-shanās mujhe
bas ab zalīl na kar ai nigāh-e-yās mujhe
ye dil hai shauq meñ be-ḳhud vo aañkh nashshe meñ chuur
jhukā na de su-e-sāġhar bhaḌaktī pyaas mujhe
udhar malāmat-e-duniyā idhar malāmat-e-nafs
baḌā azaab hai aa.e hue havās mujhe
palaT do baat na lo muñh se naam ruḳhsat kā
abhī se ghar nazar aane lagā udaas mujhe
jo multafit haiñ ye nazreñ badal bhī saktī haiñ
banā chukā hai zamāna adā-shanās mujhe
baghaur dekh raha hai ada-shanas mujhe
bas ab zalil na kar ai nigah-e-yas mujhe
ye dil hai shauq mein be-KHud wo aankh nashshe mein chur
jhuka na de su-e-saghar bhaDakti pyas mujhe
udhar malamat-e-duniya idhar malamat-e-nafs
baDa azab hai aae hue hawas mujhe
palaT do baat na lo munh se nam ruKHsat ka
abhi se ghar nazar aane laga udas mujhe
jo multafit hain ye nazren badal bhi sakti hain
bana chuka hai zamana ada-shanas mujhe
Source:
Nishaan-e-Aarzu (Pg. ebook-126 page-116)
-
Author:
Anwar Husain Arzoo
-
- Year of Publication: 1968
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.