bahakta Dagmagata aadmi hun

bahaktā Dagmagātā aadmī huuñ

maiñ insāñ kam ziyāda aadmī huuñ

samajh aatā nahīñ apnā ravayya

ḳhudā huuñ yā ḳhudā kā aadmī huuñ

na dekho mere maile pairahan ko

maiñ andar se sunahrā aadmī huuñ

janam letā hai merā jism phir se

haqīqat meñ purānā aadmī huuñ

mujhe darpesh hai ġham do-jahāñ kā

bazāhir muskurātā aadmī huuñ

banā rakkhā hai qismat ko madārī

nirā bachcha jamūrā aadmī huuñ

maiñ zinda huuñ faqat marne kī ḳhātir

zamāne kā nikammā aadmī huuñ

'amar' tum ko nahīñ kahte vo merā

jo kahte haiñ tumhārā aadmī huuñ

bahakta Dagmagata aadmi hun

main insan kam ziyaada aadmi hun

samajh aata nahin apna rawayya

KHuda hun ya KHuda ka aadmi hun

na dekho mere maile pairahan ko

main andar se sunahra aadmi hun

janam leta hai mera jism phir se

haqiqat mein purana aadmi hun

mujhe darpesh hai gham do-jahan ka

bazahir muskuraata aadmi hun

bana rakkha hai qismat ko madari

nira bachcha jamura aadmi hun

main zinda hun faqat marne ki KHatir

zamane ka nikamma aadmi hun

'amar' tum ko nahin kahte wo mera

jo kahte hain tumhaara aadmi hun