bahte hue lamhon ki kahani hi badal de
bahte hue lamhoñ kī kahānī hī badal de
dariyā to badaltā nahīñ paanī hī badal de
yā ghar ko mire daulat-e-ārām-o-sukūñ baḳhsh
yā ārzū-e-naql-makānī hī badal de
kyā us se kareñ zahmat-e-takrār ki jo shaḳhs
alfāz ke mahfūm-o-ma.ānī hī badal de
tarmīm-o-tanvvo hai kahānī meñ zarūrī
raajā to badaltā nahīñ raanī hī badal de
us ghar kī taraf us kī nishānī pe chale ho
'mohsin' vo agar ghar kī nishānī hī badal de
bahte hue lamhon ki kahani hi badal de
dariya to badalta nahin pani hi badal de
ya ghar ko mere daulat-e-aram-o-sukun baKHsh
ya aarzu-e-naql-makani hi badal de
kya us se karen zahmat-e-takrar ki jo shaKHs
alfaz ke mahfum-o-maani hi badal de
tarmim-o-tanwwo hai kahani mein zaruri
raja to badalta nahin rani hi badal de
us ghar ki taraf us ki nishani pe chale ho
'mohsin' wo agar ghar ki nishani hi badal de
Source:
Sukhan sukhan mehtaab (Pg. 147)
- Author: Mohsin Ehsaan
-
- Edition: 2005
- Publisher: Aziz ahmed Khan
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
