bahut dawe kiye hain aagahi ne

bahut daave kiye haiñ āgahī ne

nahīñ samjhā mohabbat ko kisī ne

jabīñ par ḳhaak ke zarre nahīñ haiñ

sitāre chun diye haiñ bandagī ne

shikāyat hai unheñ bhī zindagī se

jinheñ sab kuchh diyā hai zindagī ne

sabā se pūchhiye kyā gul khilā.e

chaman meñ un kī āhista-ravī ne

ḳhudā ġhārat kare dast-e-sitam ko

abhī to aañkh kholī thī kalī ne

mah o anjum ko zau baḳhshī hai 'mumtāz'

hamāre āñsuoñ kī raushnī ne

bahut dawe kiye hain aagahi ne

nahin samjha mohabbat ko kisi ne

jabin par KHak ke zarre nahin hain

sitare chun diye hain bandagi ne

shikayat hai unhen bhi zindagi se

jinhen sab kuchh diya hai zindagi ne

saba se puchhiye kya gul khilae

chaman mein un ki aahista-rawi ne

KHuda ghaarat kare dast-e-sitam ko

abhi to aankh kholi thi kali ne

mah o anjum ko zau baKHshi hai 'mumtaz'

hamare aansuon ki raushni ne