aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

barhaman le ke jo mere liye zunnar aaya

Jameela Khuda Bakhsh

barhaman le ke jo mere liye zunnar aaya

Jameela Khuda Bakhsh

MORE BYJameela Khuda Bakhsh

    barhaman le ke jo mere liye zunnār aayā

    us ne samjhā ki yahī but ḳharīdār aayā

    ḳhud ḳharīdār huā husn-e-butāñ vo kabhī

    ho ke yūsuf vo kabhī bar-sar-e-bāzār aayā

    shauq thāme thā kamar aur tamannā baazū

    kū-e-jānāñ meñ mirā jab dil-e-bīmār aayā

    lāla-ruḳh kaisā hai dekhūñ to zarā chal ke use

    kis liye dil imārat meñ na vo yaar aayā

    roz-e-raushan shab-e-tār huī āñkhoñ meñ

    jis ghaḌī yaad tirā gesū-e-ḳhamdār aayā

    hasrat-o-yās-o-tamannā ke mile pushtāre

    kārvāñ 'ishq mujh tak ye liye baar aayā

    kyā Darātā hai mujhe teġh dikhā kar qātil

    maqtal-e-ishq meñ marne ko maiñ tayyār aayā

    talḳhī-e-marg bhī dene lagī mujh ko lazzat

    sar-e-bālīñ dam-e-murdan jo mirā yaar aayā

    mere dilbar ke tasavvur ne kiyā is ko hasīñ

    maiñ na samjhā ye qazā aa.ī ki vo yaar aayā

    koī le ke mire dil ko ye kahtā us se

    le tire gesu-e-pur-ḳham giraftār aayā

    ai 'jamīla' na milā but na milā mujh ko ḳhudā

    maiñ to us hasti-e-mauhūm meñ be-kār aayā

    barhaman le ke jo mere liye zunnar aaya

    us ne samjha ki yahi but ka KHaridar aaya

    KHud KHaridar hua husn-e-butan ka wo kabhi

    ho ke yusuf wo kabhi bar-sar-e-bazar aaya

    shauq thame tha kamar aur tamanna bazu

    ku-e-jaanan mein mera jab dil-e-bimar aaya

    lala-ruKH kaisa hai dekhun to zara chal ke use

    kis liye dil ki imarat mein na wo yar aaya

    roz-e-raushan si shab-e-tar hui aankhon mein

    jis ghaDi yaad tera gesu-e-KHamdar aaya

    hasrat-o-yas-o-tamanna ke mile pushtare

    karwan 'ishq ka mujh tak ye liye bar aaya

    kya Daraata hai mujhe tegh dikha kar qatil

    maqtal-e-ishq mein marne ko main tayyar aaya

    talKHi-e-marg bhi dene lagi mujh ko lazzat

    sar-e-baalin dam-e-murdan jo mera yar aaya

    mere dilbar ke tasawwur ne kiya is ko hasin

    main na samjha ye qaza aai ki wo yar aaya

    koi le ja ke mere dil ko ye kahta us se

    le tere gesu-e-pur-KHam ka giraftar aaya

    ai 'jamila' na mila but na mila mujh ko KHuda

    main to us hasti-e-mauhum mein be-kar aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now