barfili wadiyon mein tamazat talash kar
barfīlī vādiyoñ meñ tamāzat talāsh kar
nafrat ke is jahāñ meñ mohabbat talāsh kar
dīmak-zada kitāb kī tauqīr kam na kar
dānishvarī kī is meñ ibārat talāsh kar
chehre udaas kar diye ḳhauf-o-hirās ne
afvāh ko na dekh haqīqat talāsh kar
rahtā nahīñ hai vaqt sadā ek sā kabhī
ḳhasta imāratoñ kī tū azmat talāsh kar
chaupāl pe to baiTh buzurgoñ kī baat sun
'raushan' ḳhayāl kī tū hikāyat talāsh kar
barfili wadiyon mein tamazat talash kar
nafrat ke is jahan mein mohabbat talash kar
dimak-zada kitab ki tauqir kam na kar
danishwari ki is mein ibarat talash kar
chehre udas kar diye KHauf-o-hiras ne
afwah ko na dekh haqiqat talash kar
rahta nahin hai waqt sada ek sa kabhi
KHasta imaraton ki tu azmat talash kar
chaupal pe to baiTh buzurgon ki baat sun
'raushan' KHayal ki tu hikayat talash kar
Source:
shaa.er jild 73 sh. 11 (Pg. 42)
-
- Publisher: Nazeer Noaman Siddiqui
- Year of Publication: 2002
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
