bas ek baat yahi sochta hun dilli mein

bas ek baat yahī sochtā huuñ dillī meñ

kyoñ gaañv chhoḌ ke maiñ aa basā huuñ dillī meñ

pata karo ki kahāñ par bhaTak rahā hai vo

use kaho maiñ use DhūñDhtā huuñ dillī meñ

har ek shaḳhs yahāñ ajnabī sā lagtā hai

ki bhiiḌ meñ bhī maiñ tanhā khaḌā huuñ dillī meñ

tumhāre saath kī vo sair yaad aatī hai

maiñ tanhā jab bhī kabhī ghūmtā huuñ dillī meñ

jo pūchhte ho mirā kaam to suno tum bhī

maiñ dard-o-ġham kī davā bechtā huuñ dillī meñ

yahāñ kī āb-o-havā meñ mujhī ko pāoge

maiñ har taraf yahāñ bikhrā paḌā huuñ dillī meñ

bas ek baat yahi sochta hun dilli mein

kyon ganw chhoD ke main aa basa hun dilli mein

pata karo ki kahan par bhaTak raha hai wo

use kaho main use DhunDhta hun dilli mein

har ek shaKHs yahan ajnabi sa lagta hai

ki bhiD mein bhi main tanha khaDa hun dilli mein

tumhaare sath ki wo sair yaad aati hai

main tanha jab bhi kabhi ghumta hun dilli mein

jo puchhte ho mera kaam to suno tum bhi

main dard-o-gham ki dawa bechta hun dilli mein

yahan ki aab-o-hawa mein mujhi ko paoge

main har taraf yahan bikhra paDa hun dilli mein