aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bas ek rasta hai ek aawaz aur ek saya hai

Saleem Kausar

bas ek rasta hai ek aawaz aur ek saya hai

Saleem Kausar

MORE BYSaleem Kausar

    bas ik rasta hai ik āvāz aur ek saayā hai

    ye kis ne aa ke gahrī niiñd se mujh ko jagāyā hai

    bichhaḌtī aur miltī sā.atoñ ke darmiyān ik pal

    yahī ik pal bachāne ke liye sab kuchh gañvāyā hai

    idhar ye dil abhī tak hai asīr-e-vahshat-e-sahrā

    udhar us aañkh ne chāroñ taraf pahra biThāyā hai

    tumheñ kaise batā.eñ jhuuT kyā hai aur sach kyā hai

    na tum ne aa.ina dekhā na ā.īna dikhāyā hai

    hameñ ik ism-e-āzam yaad hai vo saath hai, ham ne

    ka.ī baar āsmāñ ko in zamīnoñ par bulāyā hai

    kahāñ tak rokte āñkhoñ meñ abr-o-bād-e-hijrāñ ko

    ab aa.e ho ki jab ye shahr zer-e-āb aayā hai

    'salīm' ab tak kisī ko bad-du'ā to nahīñ lekin

    hamesha ḳhush rahe jis ne hamārā dil dukhāyā hai

    bas ek rasta hai ek aawaz aur ek saya hai

    ye kis ne aa ke gahri nind se mujh ko jagaya hai

    bichhaDti aur milti saaton ke darmiyan ek pal

    yahi ek pal bachane ke liye sab kuchh ganwaya hai

    idhar ye dil abhi tak hai asir-e-wahshat-e-sahra

    udhar us aankh ne chaaron taraf pahra biThaya hai

    tumhein kaise bataen jhuT kya hai aur sach kya hai

    na tum ne aaina dekha na aaina dikhaya hai

    hamein ek ism-e-azam yaad hai wo sath hai, hum ne

    kai bar aasman ko in zaminon par bulaya hai

    kahan tak rokte aankhon mein abr-o-baad-e-hijran ko

    ab aae ho ki jab ye shahr zer-e-ab aaya hai

    'salim' ab tak kisi ko bad-du'a di to nahin lekin

    hamesha KHush rahe jis ne hamara dil dukhaya hai

    Source:

    meyaar (Pg. 342)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now