basti mein kuchh log nirale ab bhi hain

bastī meñ kuchh log nirāle ab bhī haiñ

dekho ḳhālī dāman vaale ab bhī haiñ

dekho vo bhī haiñ jo sab kah sakte the

dekho un ke muñh par taale ab bhī haiñ

dekho un āñkhoñ ko jinhoñ ne sab dekhā

dekho un par ḳhauf ke jaale ab bhī haiñ

dekho ab bhī jins-e-vafā nāyāb nahīñ

apnī jaan pe khelne vaale ab bhī haiñ

taare maañd hue par zarre raushan haiñ

miTTī meñ ābād ujāle ab bhī haiñ

basti mein kuchh log nirale ab bhi hain

dekho KHali daman wale ab bhi hain

dekho wo bhi hain jo sab kah sakte the

dekho un ke munh par tale ab bhi hain

dekho un aankhon ko jinhon ne sab dekha

dekho un par KHauf ke jale ab bhi hain

dekho ab bhi jins-e-wafa nayab nahin

apni jaan pe khelne wale ab bhi hain

tare mand hue par zarre raushan hain

miTTi mein aabaad ujale ab bhi hain