basti se shairi ki birah kar ke aae hain
bastī se shā'irī kī birah kar ke aa.e haiñ
vāpas na ā.eñge kabhī kah kar ke aa.e haiñ
us jyotishā kī zulf se uljhe shab-e-firāq
apnā muqaddar aap siyah kar ke aa.e haiñ
lagtā hai dekhne meñ ki TukḌe jigar ke haiñ
ashkoñ ke saath dard jo bah kar ke aa.e haiñ
ginñe the dāġh-e-dil sar-e-ā.īna-e-falak
par rū-e-āftāb siyah kar ke aa.e haiñ
ik dam hamārī dar-ba-darī par na jā 'mirāsh'
ik 'umr shahr-e-'ishq meñ rah kar ke aa.e haiñ
basti se sha'iri ki birah kar ke aae hain
wapas na aaenge kabhi kah kar ke aae hain
us jyotisha ki zulf se uljhe shab-e-firaq
apna muqaddar aap siyah kar ke aae hain
lagta hai dekhne mein ki TukDe jigar ke hain
ashkon ke sath dard jo bah kar ke aae hain
ginne the dagh-e-dil sar-e-aina-e-falak
par ru-e-aftab siyah kar ke aae hain
ek dam hamari dar-ba-dari par na ja 'mirash'
ek 'umr shahr-e-'ishq mein rah kar ke aae hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
