bataur-e-yaadgar-e-zohd mai-KHane mein rakh dena
bataur-e-yādgār-e-zohd mai-ḳhāne meñ rakh denā
mirī TuuTī huī tauba ko paimāne meñ rakh denā
kahā thā ai dil-e-nā-faham-o-nādāñ tujh se ye kis ne
ḳhudā-ḳhāne kī hurmat ko sanam-ḳhāne meñ rakh denā
pasand aa.e na aa.e munhasir hai ye tabī.at par
kisī ke sāmne dil ham ko nazrāne meñ rakh denā
dobārā phir kisī din mere kaam aa.egī ai saaqī
jo mai piine se bach jaa.e vo paimāne meñ rakh denā
kahīñ aa.eñ kahīñ jaa.eñ kahīñ uTTheñ kahīñ baiTheñ
qadam hir-phir kar apnā ham ko but-ḳhāne meñ rakh denā
charāġh-e-anjuman apnī ziyā phailāne vaalā hai
uThā kar sho.ala-e-ulfat ko parvāne meñ rakh denā
kahāñ ham DhūñDte tujh ko phireñge us ghaḌī saaqī
subūhī ke liye thoḌī sī paimāne meñ rakh denā
nazar aate haiñ kuchh añgūr mujh ko ai mire saaqī
lahū tauba kā un ke ek ik daane meñ rakh denā
ḳhatā-e-ishq par kyuuñ 'nūh' apnī jaan kho baiThe
raqam itnī baḌī aur is ko jurmāne meñ rakh denā
bataur-e-yaadgar-e-zohd mai-KHane mein rakh dena
meri TuTi hui tauba ko paimane mein rakh dena
kaha tha ai dil-e-na-faham-o-nadan tujh se ye kis ne
KHuda-KHane ki hurmat ko sanam-KHane mein rakh dena
pasand aae na aae munhasir hai ye tabiat par
kisi ke samne dil hum ko nazrane mein rakh dena
dobara phir kisi din mere kaam aaegi ai saqi
jo mai pine se bach jae wo paimane mein rakh dena
kahin aaen kahin jaen kahin uTThen kahin baiThen
qadam hir-phir kar apna hum ko but-KHane mein rakh dena
charagh-e-anjuman apni ziya phailane wala hai
uTha kar shoala-e-ulfat ko parwane mein rakh dena
kahan hum DhunDte tujh ko phirenge us ghaDi saqi
subuhi ke liye thoDi si paimane mein rakh dena
nazar aate hain kuchh angur mujh ko ai mere saqi
lahu tauba ka un ke ek ek dane mein rakh dena
KHata-e-ishq par kyun 'nuh' apni jaan kho baiThe
raqam itni baDi aur is ko jurmane mein rakh dena
Source:
Ejaz-e-Nooh (Pg. ebook-149 page-44)
- Author: Mohammad Nooh Sahab Nooh
-
- Publisher: Asrar Karimi Press, Allahabad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.