bayan-e-shauq pe mail wo kam-nazar honge

bayān-e-shauq pe maa.il vo kam-nazar hoñge

jo zabt-e-shauq kī lazzat se be-ḳhabar hoñge

lazīz ho to hikāyat darāz hotī hai

ham ahl-e-ġham ke fasāne to muḳhtasar hoñge

milegī ishq kī un meñ bhī kār-farmā.ī

vo hādse jo kisī aur naam par hoñge

khulā na thā ye kabhī raaz un kī qurbat meñ

ki duur ho ke vo mujh se qarīb-tar hoñge

tū āftāb-e-haqīqat kahīñ tulūa to ho

na ho sakeñ tire ham rū-ba-rū magar hoñge

jo gaa.e haiñ vahī naġhme bhī ḳhair mere haiñ

magar jo gā na sakā vo hasīn-tar hoñge

ab un kā zikr mirī guftugū meñ hai 'maḳhmūr'

ab e'tirāz mirī baat baat par hoñge

bayan-e-shauq pe mail wo kam-nazar honge

jo zabt-e-shauq ki lazzat se be-KHabar honge

laziz ho to hikayat daraaz hoti hai

hum ahl-e-gham ke fasane to muKHtasar honge

milegi ishq ki un mein bhi kar-farmai

wo hadse jo kisi aur nam par honge

khula na tha ye kabhi raaz un ki qurbat mein

ki dur ho ke wo mujh se qarib-tar honge

tu aaftab-e-haqiqat kahin tulua to ho

na ho saken tere hum ru-ba-ru magar honge

jo gae hain wahi naghme bhi KHair mere hain

magar jo ga na saka wo hasin-tar honge

ab un ka zikr meri guftugu mein hai 'maKHmur'

ab e'tiraaz meri baat baat par honge