bayan hon bhi to hon aaKHir kahan jo dil ki baaten hain

Arsh Malsiyani

bayan hon bhi to hon aaKHir kahan jo dil ki baaten hain

Arsh Malsiyani

MORE BYArsh Malsiyani

    bayāñ hoñ bhī to hoñ āḳhir kahāñ jo dil bāteñ haiñ

    na tanhā.ī bāteñ haiñ na ye mahfil bāteñ haiñ

    murattab kar liyā yuuñ ham ne afsāna mohabbat

    kuchh un ke dil bāteñ haiñ kuchh apne dil bāteñ haiñ

    jo un meñ phañs gayā phir raah par vo aa nahīñ saktā

    baḌe chakkar bāteñ rahbar-e-manzil bāteñ haiñ

    tumhārā va.az rāz-e-ishq kyā kholegā ai vaa.iz

    zabāñ ye nahīñ hazrat ye chashm-o-dil bāteñ haiñ

    vo mahfil se judā bhī ho chuke mahfil ko garmā kar

    magar mahfil meñ ab tak garmī-e-mahfil bāteñ haiñ

    zabāñ se kuchh kaho sāhab magar ma.alūm hai ham ko

    tumhāre dil sab bāteñ hamāre dil bāteñ haiñ

    mujhe dars-e-sukūñ dete haiñ vo josh-e-tamannā meñ

    udhar tūfāñ ḳhvāhish hai idhar sāhil bāteñ haiñ

    maiñ apne hāl-o-māzī par bhī kuchh ai 'arsh' ro letā

    magar pesh-e-nazar is vaqt mustaqbil bāteñ haiñ

    bayan hon bhi to hon aaKHir kahan jo dil ki baaten hain

    na tanhai ki baaten hain na ye mahfil ki baaten hain

    murattab kar liya yun hum ne afsana mohabbat ka

    kuchh un ke dil ki baaten hain kuchh apne dil ki baaten hain

    jo un mein phans gaya phir rah par wo aa nahin sakta

    baDe chakkar ki baaten rahbar-e-manzil ki baaten hain

    tumhaara waz raaz-e-ishq kya kholega ai waiz

    zaban ki ye nahin hazrat ye chashm-o-dil ki baaten hain

    wo mahfil se juda bhi ho chuke mahfil ko garma kar

    magar mahfil mein ab tak garmi-e-mahfil ki baaten hain

    zaban se kuchh kaho sahab magar malum hai hum ko

    tumhaare dil ki sab baaten hamare dil ki baaten hain

    mujhe dars-e-sukun dete hain wo josh-e-tamanna mein

    udhar tufan ki KHwahish hai idhar sahil ki baaten hain

    main apne haal-o-mazi par bhi kuchh ai 'arsh' ro leta

    magar pesh-e-nazar is waqt mustaqbil ki baaten hain

    Source
    • Book : Kulliyat-e-Arsh (Pg. 31)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY