bazm-e-insan mein bhi ek raat basar kar dekho
bazm-e-insāñ meñ bhī ik raat basar kar dekho
ek baar apnī zamīñ par bhī utar kar dekho
is ufuq par na agar jannat-e-mau.ūda milī
is ufuq tak bhī jo chāho to safar kar dekho
koī Duubī huī kashtī hai ki sāhil kā nishāñ
apnī sochoñ ke samundar se ubhar kar dekho
ḳhud ko dekho mire me.aar ke ā.īne meñ
ik zarā mujh pe ye ehsān bhī dhar kar dekho
mausam-e-gul hai to kirdār-e-chaman kyuuñ badle
aag phūloñ ko to shabnam ko sharar kar dekho
har zamāne meñ bujhe to nahīñ rahte ḳhurshed
gardisho aaj mirī shab ko sahar kar dekho
bazm-e-insan mein bhi ek raat basar kar dekho
ek bar apni zamin par bhi utar kar dekho
is ufuq par na agar jannat-e-mauuda mili
is ufuq tak bhi jo chaho to safar kar dekho
koi Dubi hui kashti hai ki sahil ka nishan
apni sochon ke samundar se ubhar kar dekho
KHud ko dekho mere mear ke aaine mein
ek zara mujh pe ye ehsan bhi dhar kar dekho
mausam-e-gul hai to kirdar-e-chaman kyun badle
aag phulon ko to shabnam ko sharar kar dekho
har zamane mein bujhe to nahin rahte KHurshed
gardisho aaj meri shab ko sahar kar dekho
Source:
Intekhab-e-Kulliyat-e-ahmed Nadeem Qasmi (Pg. 100)
- Author: Ahmed Nadeem Qasmi
-
- Edition: 2004
- Publisher: Intekhab-e-Kulliyat-e-ahmed Nadeem Qasmi
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
