be-murawwat bewafa na-mehrban na-ashna

be-muravvat bevafā nā-mehrbāñ nā-āshnā

jis ke ye ausāf koī us se ho kyā āshnā

tañg ho saa.e se apne jis ko ho nā-āshnā

vo but-e-vahshī-e-tabī.at kis kā hogā āshnā

vaah vaah ai dil-bar-e-kaj-fahm yūñhī chāhiye

ham se ho nā-āshnā ġhairoñ se honā āshnā

bad-mizājī nā-ḳhushī āzurdagī kis vāste

gar bure ham haiñ to ho jiye aur se jā āshnā

ye sitam ye dard ye ġham aur alam mujh par huā

kaash ki tujh se maiñ ai zālim na hotā āshnā

ne tarahhum ne karam ne mehr hai ai bevafā

kis tavaqqo par bhalā ho koī terā āshnā

āshnā kahne ko yuuñ to aap ke hoveñge sau

par koī ai mehrbāñ aisā na hogā āshnā

ḳhair-ḳhvāh o muḳhlis o fidvī jo kuchh kahiye so huuñ

aib kyā hai gar rahe ḳhidmat meñ mujh sā āshnā

āshnā.ī kī tavaqqo.a kis se ho 'bedār' phir

ho gayā begāna jab aisā hī apnā āshnā

be-murawwat bewafa na-mehrban na-ashna

jis ke ye ausaf koi us se ho kya aashna

tang ho sae se apne jis ko ho na-ashna

wo but-e-wahshi-e-tabiat kis ka hoga aashna

wah wah ai dil-bar-e-kaj-fahm yunhi chahiye

hum se ho na-ashna ghairon se hona aashna

bad-mizaji na-KHushi aazurdagi kis waste

gar bure hum hain to ho jiye aur se ja aashna

ye sitam ye dard ye gham aur alam mujh par hua

kash ki tujh se main ai zalim na hota aashna

ne tarahhum ne karam ne mehr hai ai bewafa

kis tawaqqo par bhala ho koi tera aashna

aashna kahne ko yun to aap ke howenge sau

par koi ai mehrban aisa na hoga aashna

KHair-KHwah o muKHlis o fidwi jo kuchh kahiye so hun

aib kya hai gar rahe KHidmat mein mujh sa aashna

aashnai ki tawaqqoa kis se ho 'bedar' phir

ho gaya begana jab aisa hi apna aashna